Կոկորդի քաղցկեղի զարգացման մասին հուշող 5 ախտանշան

Կոկորդի քաղցկեղը դասվում է այն հիվանդությունների շարքին, որոնց վաղ ախտորոշումը զգալիորեն բարձրացնում է հիվանդության բարեհաջող բուժման հավանականությունը, սակայն խնդիրն այն, որ հաճախ մարդիկ չափազանց ուշ են նկատում խնդիրը, քանի որ անտեսում են օրգանիզմի ախտանշանները և պարբերաբար բուժզննում չեն անցնում:

Հիվանդությունը վաղ հայտնաբերելու և բուժման արդյունավետությունը բարձրացնելու համար մասնագետները խորհուրդ են տալիս անպայման ուշադրություն դարձնել ստորև ներկայացված ախտանշաններին: Բժիշկների խոսքով՝ դրանց առկայությունը կարող է հուշել կոկորդի քաղցկեղի մասին, ուստի եթե այդ ախտանշանները պահպանվում են ավելի քան երեք շաբաթ, ապա հարկավոր է հնարավորինս շուտ դիմել մասնագետին:

Ինչպես գրում է actualnews.org կայքը, հիվանդության մասին հուշող ախտանշանների շարքին են դասվում, առաջին հերթին, ցավոտ զգացողությունները սնունդը կուլ տալու ընթացքում: Բացի այդ, անհանգստության լուրջ պատճառ են հանդիսանում նաև երկարատև հազն ու ձայնի խռպոտությունը կամ նմանատիպ այլ փոփոխությունը: Նման ախտանշանների դեպքում հարկավոր է անպայման բուժզննում անցնել ու պարզել դրանց պատճառը:

Մասնագետի հետ խորհրդակցելու պատճառ կարող են հանդիսանալ նաև ականջի ցավն ու կոկորդում գնդիկի առկայության զգացողությունը: Նման դեպքերում հարկավոր է անմիջապես բուժզննում անցնել, սակայն խուճապի մատնվել պետք չէ, քանի որ նմանատիպ ախտանշաններով կարող են ուղեկցվել նաև բրոնխիալ ասթման, կոկորդաբորբը (լարինգիտ) և վերին շնչուղիների վարակները:

Հիվանդության ախտորոշման համար մասնագետն անցկացնում է ֆիզիկական բուժզննում, իսկ քաղցկեղի կասկածների դեպքում՝ նշանակում լարինգոսկոպիկ հետազոտություն և բիոպսիա: Հյուսվածքների նմուշներն ուղարկվում են հետազոտության, որոնք արդյունքներով էլ տրվում է հստակ ախտորոշում:

Рейтинг
( Пока оценок нет )
FUNNY BLOG/ автор статьи
Հավանեցիք ? Կիսվեք Ձեր ընկերների հետ:
FUNNY BLOG
Яндекс.Метрика