Ինչու է անհրաժեշտ խմել կակաո հատկապես նրանց ովքեր 40 տարեկանից բարձր են

Դուք կակաո չե՞ք խմում։ Շատ իզուր։ EnterTrain-ը այսօր ներկայացնում է կակաոյի օգտակար հատկությունները։ Կակաոն կարող է էներգիա հաղորդել և պաշտպանել վարակներից։ Այն կարող է նաև լավացնել տրամադրությունը։

Կակաոն պարունակում է նյութեր, որոնք լավացնում են հիշողությունը և խթանում ուղեղի աշխատանքը, կարգավորում արյան մեջ խոլեստերինի մակարդակը։ Կակաոն ռեկորդակիր է օգտակար միկրոէլեմենտների պարունակությամբ, իսկ ցինկի պարունակության առումով չունի իրեն հավասարը։ Կակաոն պարունակում է սպիտակուցներ (12-15 տոկոս), ճարպեր, ածխաջրեր (6-10 տոկոս), B խմբի վիտամիններ, բջջանյութ և հակաօքսիդանտներ։

Վերջին հետազոտությունները ցույց են տալիս, որ կակաոն նաև մի միացություն է պարունակում (կոկոհիլ), որը նպաստում է մարմնի բջիջների բազմացմանը, վերքերի ապաքինմանն ու կանխարգելում է կնճիռների առաջացումը։

Չնայած կակաոն ավելի շատ կալորիաներ է պարունակում, քան թեյն ու սուրճը, որոշ մասնագետների պնդմամբ՝ այն քաշի ավելացման չի հանգեցնում։ Կակաոյի նույնիսկ փոքր քանակը կարող է հագեցնել ձեզ։ Արդյունքում՝ շատ չեք ուտում։

Եթե ցանկանում եք նիհարել, կարող եք կակաո օգտագործել։ Բայց խորհուրդ է տրվում այն օգտագործել օրվա առաջին կեսին։ Եթե 40 տարեկանից բարձր եք, կակաոն կարող է հատկապես օգտակար լինել, քանի որ հարուստ է մագնեզիումով և վիտամիններով։ Կարող եք փորձել այս բաղադրատոմսը։

Ձեզ հարկավոր է.

  • 2 բաժակ կաթ. եթե նշի կաթ օգտագործեք, ավելի համեղ կստացվի
  • կես ճաշի գդալ կակաո
  • 1 թեյի գդալ դարչին
  • կես թեյի գդալ մանրացրած մեխակ
  • մի պտղունց աղ։

Պատրաստման եղանակը։ Կակաոն լցրեք ամանի մեջ, ավելացրեք համեմունքները, կաթը, դրեք թույլ կրակի վրա, թողեք այնքան, մինչև բոլոր բաղադրիչները լուծվեն կաթի մեջ։ Բարի ախորժակ։

Рейтинг
( Пока оценок нет )
FUNNY BLOG/ автор статьи
Понравилась статья? Поделиться с друзьями:
FUNNY BLOG
Яндекс.Метрика