Եթե դուք օգտագործում եք այս 6 արտահայտություն ձեր ընտանիքներում ապա դուք երջանիկ ընտանիք ունեք

Լսենք, թե ինչպես են խոսում երջանիկ զույգերը: Իսկ դուք որքա՞ն հաճախ եք օգտագործում այս արտահայտությունները, այսինքն՝ ձեր միության մասին նույնպես կարելի՞ է ասել, որ ամուր է այն ու անխախտ:

1. «Ես սիրում եմ քեզ» Հենց դադարեք միմյանցից լսել այս արտահայտությունը, կարող եք պատրաստել ամուսնալուծության թղթերը: Դա նշանակում է, որ կամ դուք կամ էլ ձեր զուգընկերը լիովին սառել է ձեր հանդեպ: Այլ պատճառ չկա և չի էլ կարող լինել, որ մոռանաք այս գլխավոր խոսքերը: Միմյանց սիրող մարդկանց դուր է գալիս արտահայտել սերը, դուր է գալիս ուրախացնել իրար նման արտահայտություններով:

2. «Այո, սիրելիս» Կապ չունի, թե համաձայնությունը կոնկրետ ինչ իրավիճակի է վերաբերում: Որքան հաճախ է լսվում տանը «ոչ» բառը, այնքան շատ եք շրջապատված լինում բացասկանով: Սովորեք համաձայնել, տալ դրական պատասխան, եթե մինչև անգամ այնքան էլ համամիտ չեք տվյալ իրավիճակի հետ: Հատկապես «այո» բառն ընտանիքում պարտադիր է, երբ ձեզնից օգնություն են խնդրում, ցանկանում են զրուցել հենց ձեզ հետ կամ լինել միասին:

3. «Ես համաձայն եմ քեզ հետ» Երբ տղամարդը կնոջն ասում է, որ համաձայն է վերջինիս գաղափարի հետ, կամ հակառակը՝ կինն է ասում տղամարդուն, սկսվում է փոխհամաձայնության ամենահաճելի պահը: Իսկ էլ ի՞նչ է հարկավոր առողջ հարաբերությունների համար: Հենց դա է ամուր միության գրավականը, բացի, իհարկե, զգացմունքները խոստովանելուց:

4. «Զանգ տուր, երբ հասնես» Խնդրել մարդուն, որ տեղյակ պահի իր ինչ-որ տեղ հասնելու մասին՝ հատուկ է միմյանց հանդեպ սրտացավ մարդկանց: Իսկ եթե ձեր միջև այլևս ոչ մի զգացմունք չկա, ի՞նչ տարբերություն, թե երբ կհասնի կամ կհասնի՞, թե՞ ոչ: Տղամարդկանց հատկապես հաճելի է, երբ կինն ասում է այդ խոսքերը: Նրանց համար դա առնվազն հաճելի է:

5. «Ինչպե՞ս ես զգում քեզ» Հոգ տանել կնոջ կամ ամուսնու առողջության մասին հարկավոր է ոչ միայն այն ժամանակ, երբ նա ջերմություն ունի կամ գամված է մահճակալին, այլևսովորական օրերին, երբ միանգամայն առողջ է: Դա խոսում է միմյանց հանդեպ ունեցած հոգատարության մասին: Հնարավոր է և որ ձեր սիրելին իրեն շատ վատ է զգում, սակայն լռում է, չի ցանկանում ցավն արտահայտել: Սակայն, բավական է մի ամուր ու հուսալի ուս, որ զուգընկրեն անկեղծանա ու պատմի իր մտահոգությունների ու անհանգստությունների մասին:

6. «Ես երջանիկ եմ քեզ հետ» Եթե սիրող զույգերը պահը չեն կորցնում միմյանց ասելու, որ անգամ մի կաթիլ չեն զղջում իրենց ընտրության հարցում, որը վաղուց են կատարել, դա միայն կնպաստի նրանց անխախտ հարաբերություններին: Բավական է ասել, որ դուք երջանիկ եք և զուգընկերը կհամոզվի, որ ձեր զգացմունքները առաջվա պես կենդանի են:

Հավանեցիք ? Կիսվեք Ձեր ընկերների հետ:
FUNNY BLOG
Яндекс.Метрика